ગુજરાતમાં પ્રોફેસર મહિલા નથી સુરક્ષિત ! વડા પ્રધાનને કરાઇ લેખિત ફરિયાદ
ગુજરાતમાં સરકારી નોકરિયાત મહિલાઓનું કેવી રીતે દમન કરાઇ રહ્યુ છે,,તેનુ તાજુ ઉદાહરણ સામે આવ્યુ છે,જેમાં ગુજરાત યુનિ.ની એક
મહિલા પ્રોફેસર યુનિવર્સિટીમાં ચાલતા રાજકીય કાવાદાવનો ભોગ બની છે,,ગુજરાત યુનિ,કુલપતિ હિમાશું પડ્યા અને મહિલા સેલે પણ
ન્યાય ન આપતા આખરે તેણે વડા પ્રધાન નરેન્દ્રમોદી પાસે ન્યાય માટે આજીજી કરતો પત્ર લખ્યો છે,તો પોલીસની નિયત સામે પણ
સવાલો ઉભા કર્યા છે,
વડા પ્રધાન નરેન્દ્રમોદીએ કોને કહ્યુ પાટીદાર યુવાનો મુર્દાબાદ કરે છે તેમને સમજાવો
ગુજરાત યુનિવર્સિટીના મહિલા પ્રોફેસર રંજન ગોહિલે જે રીતે પોતાની આપવીતી લખી છે,,તે વાચીને કોઇ પણ સમાન્ય વ્યક્તિ પણ ચોકી જાય કે
જે યુનિ.માં લાખો વિદ્યાર્થિ અને વિદ્યાર્થીનીઓ ભણે છે ત્યારે એક મહિલા પ્રોફેસર સુરક્ષિત ન હોય તો વિદ્યાર્થિનીઓ કઇ રીતે સુરક્ષિત રહેશે
રંજન બહેને વડા પ્રધાન નરેન્દ્રમોદીને જે પત્ર લખ્યો છે તે આ પ્રમાણે છે
આદરણીય સાહેબશ્રી,
જયહિન્દ સાથે જણાવવાનું કે તા. ૨૦.૧૧.૨૦૧૮થી અમો ગુજરાત યુનીવર્સીટીના સેલ્ફ ફાઈનાન્સ સમાજકાર્ય વિભાગના એક માત્ર
મહિલા અધ્યાપિકા છીએ, અમોની લાયકાતને ધ્યાનમાં રાખી અમોની નિમણુંક પણ જે તે સમયના વિભાગના વડાશ્રીએ માન. કુલપતિશ્રીની મંજુરી
સાથે કરેલી સાહેબશ્રી, અમો જ્યારથી આ વિભાગમાં જોડાયા ત્યારથી સમાજકાર્ય વિભાગના કેટલાક પૂર્વ વિદ્યાર્થીઓ નામે ચિરાગ ખટીક, ભાગ્ય
જાની, ડેવિડ જોશી વગેરેનાઓ, કે જેઓ અગાઉ નાપાસ થયેલા છે, તેમનું ટ્રાન્સફર સર્ટીફીકેટ લઇ અન્યત્ર જોડાયેલા છે, તેથી તેઓ હાલ
આ વિભાગના વિદ્યાર્થી પણ નથી, તેવા આ વિદ્યાર્થીઓ કોઈક રાજકીય વ્યક્તિઓના હાથા બની અમારા વિભાગના વડાને બ્લેકમેલ કરી
બારોબાર પાસ થવા અમોના નામને આગળ ધરી અમોના નામ જોગ અમો સામે ખોટી અને બદનક્ષીભરી ફરિયાદો કરતા આવ્યા છે.
જેમાં શરૂઆતમાં તેઓએ મારી પીએચડીની પદવીને લઈને મારી બદનામી કરવાના હેતુ માત્રથી દૈનિકપત્રોમાં સમાચાર પ્રસિદ્ધ કરેલા, ગુજરાત
તકેદારી આયોગ વગેરેમાં પણ ફરિયાદ કરેલ, તકેદારી આયોગે રાજ્યના શિક્ષણ વિભાગ દ્વારા તપાસ પણ કરાવેલ, જેનો તપાસ અહેવાલ હાલ તકેદારી
આયોગની કચેરીમાં ઉપલબ્ધ છે. તકેદારી આયોગ શિવાય બીજો પણ એક તપાસ અહેવાલ ગુજરાત યુનીવર્સીટીમાં ઉપલબ્ધ છે,
જે પણ આ વિદ્યાર્થીઓની વિરુદ્ધમાં હોવાનું તેમને જાણ થઇ હશે એટલે તેઓ વધારે ને વધારે ઉગ્ર બની, છટકા બની ખુલ્લે આમ
વર્તતા થઇ ગયેલ છે. એવામાં જેમણે અગાઉના કુલપતિશ્રી પરિમલ ત્રિવેદી સામે એટ્રોસિટીનો કેસ કરેલ એવા કોંગ્રેસ સમર્થક
પ્રો. પંકજ શ્રીમાળીએ તા. ૨૮ .૧૦.૨૦૨૧ના રોજ અમારા વિભાગમાં આવી જાહેરમાં અમોના ચારિત્ર્ય ઉપર કાદવ ઉછાળી, બીભત્સ વર્તન કરી
અમોનું સ્ત્રી માનભંગ કરી મહિલા સતામણી કરેલ, જેની જાણ તુરત જ અમોએ માં. કુલપતિશ્રીને વોટસએપ દ્વારા જાણ કરેલ, તેમાં
માન. કુલપતિશ્રીએ કોઈ પગલા ભરેલ નહિ તેથી અમોએ તા. ૨૨.૧૧.૨૦૨૨ના રોજ યુનીવર્સીટીના વુમન ડેવલપમેટ સેલ (WDC) માં
ફરિયાદ કરેલ, WDCએ અમોના કેટલાક સાક્ષીઓના મૌખિક નિવેદનો લીધેલા, જે અમો તરફી હોવાથી તેમાંના કેટલાક પાસેથી
આ પંકજ શ્રીમાળી, વિઝન કોલેજના ટ્રસ્ટીઓ તથા કેટલાક સીન્ડીકેટ સભ્યશ્રીઓએ ખોટી એફિડેવિટ લખાવી WDCને આવી માંગણી ન હોવા
છતાં રજુ કરેલ, તેથી અમોએ સાદાબ કાઝી, વિપુલ પટેલ વગેરેનાને પણ અમોના આ WDC સમક્ષની ફરિયાદમાં આરોપીને મદદ કરવાના ગુના
સબબ સલગ્ન કરી તેમને પણ યોગ્ય સજા થાય તેવી રજુઆતો કરેલ.
એક બાજુ આ લોકો સામેનો WDC સમક્ષની અમારી ફરિયાદ, બીજી બાજુ આ વિપુલ પટેલ અને સાદાબ કાઝીને ખોટી ગેરકાયદેસર આપેલ
નોકરી અને આ ચિરાગ ખટીક જે વિભાગનો વિદ્યાર્થી પણ નથી તેને બારોબાર પાસ કરી આપવાની આપેલ ખાત્રી વગેરેને કારણે આ બધા
WDCમાંથી બચવા કુલપતિ ઉપર દબાણ લાવી અમોની ફરિયાદમાં કોઈ પગલા ભરવામાં આવેલ નહિ, અમોને કોઈ ન્યાય મળેલ નહિ, એક
મહિલાને કોઈ રક્ષણ આપાવામાં આવેલ નહિ. તેથી અમોએ તા. ૨૬.૪.૨૦૨૨ના રોજ અમોએ ગુજરાત મહિલા આયોગ, અમદાવાદ શહેરના
પોલીસ કમિશ્નરશ્રી તથા મહિલા પોલીસ સ્ટેશન, વસ્ત્રાપુરને આ બધાજ આરોપીઓ તથા તેમને છાવરનાર વિરુદ્ધમાં એક ફરિયાદ આપેલ.
અમોની મહિલા આયોગ વગેરેનાઓ સમક્ષની ફરિયાદમાંથી બચવા-બચાવવા આ આરોપીઓએ ભેગા મળીને એક ષડયંત્ર રચીને
તા. ૨૭.૪.૨૦૨૨ ના રોજ સવારે આશરે ૮.૩૦ કલાકે જેવા અમો અમારા વિભાગમાં પ્રવેશ્યા, હજુ સહી કરવાની, બાયોમેટ્રિકમાં ચહેરો દેખાડું એ પહેલા વિપુલ પટેલ કે જેમની ખોટી અને સરકાર સાથે છેતરપીંડી
કરીને સેલ્ફ ફાઈનાન્સ વિભાગમાં સરકારી ગ્રાન્ટેબલ ધોરણે કરેલ છે તેઓએ આ વિભાગના કોઓર્ડીનેટર તરીકેનો હજુ ચાર્જ પણ સંભાળ્યો
તેથી તેઓએ આ વિદ્યાર્થી ચિરાગ ખટીકને ફોન કરીને બોલાવી લીધો અને એ ચિરાગ ખટીક, વિપુલ પટેલ અને સાદાબ કાઝીએ અમો સાથે
ઝપાઝપી કરી, ચિરાગ ખટીકે અમોની ઈજ્જત પર હાથ નાખી અમોની છાતી ઉપર ઉઝરડા પાડી અમોને જમીન પર પાડી દીધેલ, અમો
અર્ધ મૂર્છિત હાલાતમાં હતા.
આ બધું જોતાની સાથે જ અમોના કો-ઓર્ડીનેટર શ્રી પ્રદીપ પ્રજાપતિ આવીને અમોને છોડાવી દવાખાને લઇ
જતા હતા પરંતુ અમોએ ૧૦૦ નંબર ડાયલ કરેલ અને અમોએ મહિલા પોલીસ સ્ટેશનમાં ફરિયાદ કરવાની હોવાથી તેઓ અમોને યુનીવર્સીટી
બહાર છોડી પાછા ગયેલા અને અમો મહિલા પોલીસ સ્ટેશન ઓટો લઈને ગયેલા, ત્યાંથી તેઓએ અમોને યુનીવર્સીટી પોલિસ સ્ટેશને જવાનું
કહેતા અમો ત્યાં પહોચેલા. એક બાજુ અમોને ખુબ માર વાગેલાનો દુખાવો થતો હતો, બીજી બાજુ અમો અર્ધ મૂર્છિત હાલતમાં અને ત્રીજી
બાજુ અસહ્ય તડકો એમ ત્રણે મુશ્કેલીઓને કારણે અમો પોલીસ સ્ટેશને બેભાન થઇ પડી ગયેલા પણ પોલીસે ૧૦૮ બોલાવી નહોતી કે અમોને
કોઈ સારવાર હેતુ વ્યવસ્થા પણ કરેલ નથી. થોડીવાર પછી અમો થોડા ભાનમાં આવતા અમોએ એફઆઈઆર નોધાવા અને ૧૦૮ બોલાવવા
જણાવેલ પરંતુ પોલીસે અમોની એફઆઈઆર નોધેલ નથી અને અમોને ૧૦૮મા એકલા રવાના કરી દેધેલ.
અમો જ્યારે સોલા હોસ્પિટલ પહોચ્યા ત્યારે આ ચિરાગ ખટીક પહેલેથી ત્યાં ખોટા નાટકો કરી દાખલ થયેલ હતો, ત્યાં વિપુલ પટેલ,
સાદાબ કાઝી, યુનીવર્સીટીના કેટલાક સીન્ડીકેટ સભ્યો કે જેમની સામે મહિલા આયોગ વગેરેમાં અમોએ ફરિયાદ આપેલી છે તે સર્વે ચિરાગ ખટીક
પાસે જ આવીને ઉભા હતા. ત્યાં યુનીવર્સીટી પોલીસ સ્ટેશનમાંથી પોલીસ આવીને ચિરાગ કલાલની એફઆઈઆર નોધેલ અમોને બે-ત્રણ દિવસ
સુધી જેલમાં રાખવા અને નોકરીમાંથી સસ્પેન્ડ કરવા અંગેની ધમકીઓ આપતા હતા. આ પોલીસ અમોને કઈજ પુછવા પણ આવેલ નહિ કે અમોનું
નિવેદન કે ફરિયાદ દવાખાનામાં પણ લીધેલ નહિ. આ સમગ્ર ખેલ અમો વિરુદ્ધ એક રાજકીય રીતે રમાઈ રહયો હતો તે અમો સ્પષ્ટ જોઈ શકતા હતા.
મારી સામે રચેલા ષડ્યંત્ર મુજબ ચિરાગ ખટીક નાટક કરી દવાખાને દાખલ થઇ એક દેખાવ કરવા પુરતા એના એક મિત્ર તથા ત્યાં આવેલ રાજકીય
વ્યક્તિઓ દ્વારા જુદા જુદા રીપોર્ટ કરાવી દવાખાનેથી રવાના થઈ ગયેલ. ત્યારબાદ અમોને દવાખાનેથી રજા આપતાં અમો પણ અમોના ઘરે જવા
રવાના થયેલ.
૧. અમોનો પહેલો પ્રશ્ન એ છે કે; કેમ ચિરાગ ખટીક વિરુદ્ધ અમોની એફઆઈઆર નોધવામાં આવી નથી?
૨. કેમ યુનીવર્સીટી પોલીસે ૧૦૮ ન બોલાવી કે અમોની સારવાર હેતુ કોઈ મદદ ન કરી?
૩. યુનીવર્સીટી પોલીસ કેમ અમો સાથે દવાખાને ન આવી? અને આવી તો શા માટે માત્ર આ ખટીકના અને એના જ મળતીયાઓના જ નિવેદનો
લઇ અમો વિરુદ્ધ એફ આઈ આર નોધી?
૪. કુલપતિશ્રી ની કે ખટીકને મળવા આવેલા સીન્ડીકેટ સભ્યોમાંથી કેમ કોઈ અમારી પાસે ન આવ્યા? કેમ અમોની કોઈ ખબર અંતર ન પૂછી?
૫. કેમ WDC એ અમોને ન્યાય ન અપાવ્યો? કેમ કુલપતિશ્રી અમોની WDC સમક્ષની ફરિયાદમાં કોઈ પગલા નથી લીધાં?
આવા તો ઘણા પ્રશ્નો મારા દિલોદિમાગમાંથી હટતા નથી. એટલે દવાખાનેથી ઘેર આવીને ઉપરોક્ત હકીકતો સાથે સૌ પ્રથમ મેં
નવરંગપુરા અમદાવાદ ઝોન – ૧, પ્લોઈસ કમિશ્નર તથા યુનીવર્સીટી પોલીસ સ્ટેશનને એક ફરિયાદ આપી કે યુનીવર્સીટી પોલીસ સ્ટેશને કેમ
મારી એફઆઈઆર નોધી નથી, અને તે બદલ પગલા લેવા. પગલાં તો દુર આજદિન સુધી મારી એફઆઈઆર પણ નોધી નથી, ઉપર જતા
યુનીવર્સીટી પોલીસ રોજ સાંજના ૬ -૭ વાગ્યા પછી મારા ઘેર મારી તપાસ કરવા અને ધરપકડ કરવા આવવા લાગી. એટલે અમોએ સેશન્સ કોર્ટમાં
આગોતરા જામીન માટેની અરજી દાખલ કરી છે, તેની જાણ આ પોલીસને પણ કરેલ છે એટલે તેઓ વધુ અહમ રાખી મારી સાથે ક્રુરતા અને
અમાનવીય વ્યવહાર કરવા લાગ્યા છે. નામ. કોર્ટમાં જ્યારે મેટર સબજ્યુડીસ્ડ છે ત્યારે પણ નામ. કોર્ટનું માન આ પોલીસ જાળવતી નથી.
આ અંગે અત્યંત વેદના સાથે થોડી વિગતો જણાવું છું કે પોલીસ કોઈ મોટા રાજકીય દબાણ હેઠળ અમો વિરુદ્ધ જાણે અમો કોઈ મોટા
આતંકી હોઈએ એમ વ્યવહાર કરતી અમોએ જોઈ તેમાંથી અમોને સમજાઈ ગયું હતું કે પોલીસ અમોની ધરપકડ રાત્રે અને રાજાના દિવસોમાં જ
કરવા માંગે છે, અમોને બે-ચાર દિવસ જેલમાં રાખવા માંગે છે અને અમોની બદનામી કરી અમોની શૈક્ષણિક, સામાજિક અને આર્થિક કારકિર્દી
ખતમ કરવા માંગે છે, તેથી તા. ૨૯.૪.૨૦૨૨ના રોજ અમોએ આગોતરા જામીન માટે અરજી કરેલ, અને ત્યારબાદ તા. ૩૦.૪.૨૦૨૨ ના રોજ અમોએ
એક સામાજિક પ્રસંગે જવાનું અગાઉથી નિશ્ચિત હતું તે મુજબ અમો અમારી પોતાની કાર GJ 13 AM 2540 લઈને અમો પાટણ જીલ્લાના
સમી તાલુકાના સોનાર ગામે અમોને એક બહેનના ઘરે રાત્રી રોકાણ માટે ગયા હતા, પરંતુ અમો એ કાર અમો ત્યાં મુકીને રાત્રે જ અમારા સામાજિક
કામે બહાર ગયેલા, તેવામાં યુનીવર્સીટી પોલીસને ક્યાંકથી આ ખબર મળ્યા હશે એટલે તેમણે ખુબ મોટા રાજકીય દબાણ હેઠળ GJ 5 નંબર ની
સાત-આઠ ગાડીઓ લઈને પાટણથી કે રાધનપુરથી ૧૫-૨૦ પોલીસને એ ગામમાં અમોની ધરપકડ સારું મોકલેલ, જેમાં એક પણ મહિલા પોલીસ
નહોતી, તેવા કાફાલા સાથે એક ખૂંખાર આતંકવાદીને પકડવાનો હોય તેમ આવી ચઢેલા અને અમો કોઈકને લઈને ભાગીને આ ગામમાં આવ્યા
છીએ તેમ કહીને, અમોની બદનામી કરીને આ ગામના દરેકે દરેક ઘરોમાં જઈને તપાસ કરવા લાગેલા અને ગામના લોકોમાં દહેશત ઉભી કરેલ.
અમોની હાજરી ત્યાં ન હોવાથી આ પોલીસે અમોની કારનો કબજો જાતે લઇ ટોઈંગ કરી પોલીસ લઇ ગઈ છે. આ અમાનુશી વર્તનમાં હું એટલું
તો સમજી શકું શું કે અમોને આગોતરા જામીન ન મળે તેવા આ રાજકીય વ્યક્તિઓ અવશ્ય પ્રયત્નો કરશે જ. પરંતુ અમોને આપણા દેશની ન્યાય
પાલિકાઓ અને ન્યાય પ્રણાલિકાઓ ઉપર ભરોષો છે.
મહિલાએ પોલીસની કામગીરી સામે પણ ઉઠાવ્યા સવાલ
અમારી સાથેના આવા અમાનુષી અને ક્રુરતા ભર્યા પોલીસના વર્તનને કારણે અમોને બીજા ગંભીર પ્રશ્નો ઉભા થયા છે, જેના માટે જવાબદાર કોણ?
અમોની બદનક્ષીનું શું? આપશ્રીને મારા કેટલાક વધારાના પરશો છે કે;
૧. એક બાજુ પહેલી મે, એટલે કે ગુજરાતનો સ્થાપના દિવસ, જે પાટણ ખાતે ઉજવવામાં આવનાર હતો જેમાં મુખ્યમંત્રીશ્રી પધારવાના હતા તેથી
લગભગ આખા રાજ્યની પોલીસ સલામતી માટે તહેનાત કરવામાં આવેલ તો આ પોલીસ માટે માન. મુખ્યમંત્રીશ્રીની સલામતી અગત્યની હતી કે
અમોની ધરપકડ?
૨. અમો એક સામાન્ય અધ્યાપિકા છીએ, અમો સામે ક્યારેય કોઈ પોલીસ ફરિયાદ કે બીજા કોઈ ગુના પણ નોધાયા નથી, તેવામાં અમો સામે આવું
આતંકી, ક્રુરતા ભર્યું અને અમાનુષી – અમાનવીય વ્યવહાર કેમ?
૩. શું અમો એક આતંકવાદી છીએ? અમો એક સામાન્ય મહિલાથી આ રાજકીય માણસોને કયો ડર લાગવા માંડ્યો?
૪. અમો પહેલીથી જ ભાજપ સમર્થક રહ્યા છીએ, જેની જાણ અમારા સમાજમાં દરેકને છે, અમો પહેલેથી જ ભાજપને મત આપતાં આવ્યા છીએ
કારણકે અમો સમજતા હતા કે આ પક્ષ એ મહિલાઓના અધિકારો, સલામતી અને ન્યાય માટે કામ કરે છે, તો હવે મારે આ સરકાર માટે શું સમજવું?
એક ભણેલી ગણેલી મહિલા જો સુરક્ષિત નથી, પોતાના ન્યાય માટે લડી શકાતી નથી, તો એક સામાન્ય મહિલાનું શું?
૫. મારે મારા ન્યાય માટે લડવું એ આ સરકારમાં શું કઈ ગુનો છે? મારા ન્યાય અને અધિકાર માટે હું કોઈ
૭. મહિલાઓ પરના અત્યાચાર અને બળાત્કારની ઘટનાઓ, સુરત – વડોદરા-ભાવનગર જેવી ઘટનાઓ શા માટે સ્ત્રીઓ સાથે બનતી રહે છે?
કારણ કે તેઓ પુરુષપ્રધાન સમાજ સામે અવાજ ઉઠાવે છે ને સરકાર તમાશા જુએ છે.
મારી ઉપરોક્ત દર્દભરી કહાની મેં ટુંકમાં વર્ણવી છે, એમાં કદાચ આવેશમાં થોડું વધારે કડવું સત્ય પણ લખાઈ ગયું હશે તો પણ
આ બધાને ધ્યાનમાં રાખી અમોને યોગ્ય ન્યાય, રક્ષણ વગેરે મળી રહે અને અમો વિરુદ્ધ ષડ્યંત્રો રચનારાઓ વિરુદ્ધ યોગ્ય કાનૂની કાર્યવાહી
કરશો એવી નમ્ર પ્રાથના છે.
ન્યાય અને રક્ષા પ્રાર્થી;
(રંજન ગોહિલ)
આમ હાલ એક મહિલા પ્રોફસરે જે રીતે વડા પ્રધાનને પત્ર લખીને મદદ માંગી છે,,તેનાથી ઉચ્ચ શિક્ષણ અને યુનિવર્સિટી સ્તરે જે રીતે મહિલા પ્રોફસર સાથે
કઇ રીતે કાવાદાવા થાય છે,, તેનો ચિતાર રંજન ગોહિલના પત્રમાં મળે છે, ત્યારે જોવાનુ એ છે કે હવે વડા પ્રધાન આ મહિલાને ન્યાય અપવવામાં મદદ કરે છે
