જ્ઞાનવાપી મસ્જિદ કેસ ફાસ્ટ ટ્રેક કોર્ટમાં ટ્રાન્સફર, આગામી સુનાવણી 30 મેના રોજ થશે
જ્ઞાનવાપી કેસમાં એક મોટા સમાચાર સામે આવ્યા છે. કોર્ટે સમય ગુમાવ્યા વિના આ મામલાની સુનાવણી કરતા આ સમગ્ર કેસને ફાસ્ટ ટ્રેક પર ટ્રાન્સફર કરી દીધો હતો. હવે જ્ઞાનવાપી મસ્જિદનો મામલો ફાસ્ટ ટ્રેક પર જશે, એવું કહેવામાં આવી રહ્યું છે કે આ મામલાની દરરોજ સુનાવણી થશે અને વહેલી તકે ચુકાદો સંભળાવવામાં આવશે. આ મામલે ફાસ્ટ ટ્રેક કોર્ટમાં 30 મેથી સુનાવણી થશે.
સિવિલ જજ રવિ દિવાકરે મામલો ફાસ્ટ ટ્રેક કોર્ટમાં ટ્રાન્સફર કર્યો હતો. હવે ન્યાયાધીશ મહેન્દ્ર પાંડે આ મામલે ફાસ્ટ ટ્રેક કોર્ટમાં સુનાવણી કરશે. જો કે, એવું કહેવામાં આવ્યું છે કે જ્ઞાનવાપી પર દાખલ કરવામાં આવેલી નવી અરજીને જ ટ્રાન્સફર કરવામાં આવી છે. હિન્દુ પક્ષના વકીલ શિવમ ગૌરે જણાવ્યું કે ફાસ્ટ ટ્રેક કોર્ટમાં ફાઈલ ટ્રાન્સફર કરવામાં આવી છે. અમે કોર્ટમાં જઈ રહ્યા છીએ અને આ મામલે તાત્કાલિક પૂજાની માંગ કરીશું. આ કેસમાં વાંધો ઉઠાવવાનો કોઈ મુદ્દો નથી. અમે ઈચ્છીએ છીએ કે સુનાવણી આજે થાય અને આવતીકાલથી પૂજાનો આદેશ જારી કરવામાં આવે.
