ગાંધીનગર માં જળ અને સ્વચ્છતા સમિતિની બેઠક યોજાઈ

ગાંધીનગર જિલ્લા જળ અને સ્વચ્છતા સમિતિની બેઠક
માણેકપુર, ઇટલા, સાંતેજ અને જલુન્દ્રાની પીવાના પાણીની યોજના માટે
રૂ. ૧ કરોડથી વઘુના નવીન કામોને વહીવટી મંજૂરી
——————————————————–
પાણી પુરવઠા યોજનાના ચાલુ કામો ઝડપભેર પૂર્ણ કરવા
કલેકટર ર્ડા. કુલદીપ આર્યનો અનુરોઘ
——————————————————–

ગાંધીનગર જિલ્લા જળ અને સ્વચ્છતા સમિતિની બેઠક આજે કલેકટર ર્ડા. કુલદીપ આર્યના અઘ્યક્ષસ્થાને યોજાઇ હતી. આ બેઠકમાં જિલ્લાના ચાર ગામોમાં પીવાના પાણીની યોજના સંબંધિત ખૂટતી વ્યવસ્થાના રૂ. ૧ કરોડ, ૦૪ લાખથી વઘુના નવીન કામોને વહીવટી મંજૂરી આપવામાં આવી હતી.
આ બેઠકમાં ગાંધીનગર જિલ્લા કલેકટર ર્ડા. કુલદીપ આર્યએ જણાવ્યું હતું કે, ગાંધીનગર જિલ્લાના જે ગામોમાં પાણીની વ્યવસ્થા સંબંઘિત જે કામો હાલ ચાલુ છે, તે ઝડપથી પૂર્ણ થાય અને તેની ગુણવત્તા પણ જણવાઇ રહે તે માટે સંબંઘિત અધિકારીઓને સૂચના આપી હતી.
જિલ્લા કલેકટરે ગાંધીનગર તાલુકાના મોટી આદરજ, વાકાનેરડા, રાયપુર, અડાલજ, શેરથા અને ચેખલારાણી, માણસા તાલુકાના ચરાડા, સોલૈયા, વેડા, વિહાર અને લોદરા, કલોલ તાલુકાના હાજીપુર, સોજા, સઇજ, છત્રાલ, બાલવા, રકનપુર અને કોઠા ગામમાં પાણીની ટાંકી, પાઇપલાઇન, સંપ જેવી પાણી સંબંઘિત કામોની પ્રગતિ અંગેની વિસ્તૃત સમીક્ષા કરી હતી.
આ બેઠકમાં ગાંધીનગર જિલ્લાના દહેગામના જલુન્દ્રા, માણસાના માણેકપુરા અને ઇટલા અને કલોલના સાંતેજ ગામમાં પાણીની વ્યવસ્થાના રૂપિયા ૧ કરોડ, ૦૪ લાખથી વઘુના કામોને વહીવટી મંજૂરી આપવામાં આવી હતી. જેમાં દહેગામ તાલુકાના જલુન્દ્રા ગામમાં રૂ. ૨૨ લાખ, ૩૯ હજારથી વઘુના ખર્ચે ૧ લાખ લીટર ક્ષમતાની ૧૨ મીટર ઉંચી પાણીની ટાંકી, કનેકટીવટી, પાઇપ, પમ્પીંગ અને જોબ કનેકશનના કામો કરવામાં આવશે. માણસા તાલુકાના માણેકપુર ગામમાં રૂ. ૧૩ લાખ, ૪ હજારના ખર્ચે ૩ લાખ લિટરની ક્ષમતાનો ભૂગર્ભ સંપ, કનેકટીવીટી, પાઇપ, પમ્પીંગ મશીનરી અને જોબ કનેકશન તથા રૂ. ૩૦ લાખ, ૮૧ હજારના ખર્ચે ઇટલા ગામમાં ૧.૫ લાખ લિટરની ક્ષમતાનો ભૂગર્ભ સંપ, કનેકટીવીટી, પાઇપના કામ કરવામાં આવશે. કલોલ તાલુકાના સાંતેજ ગામમાં રૂ. ૩૮ લાખ, ૧૨ હજારના ખર્ચે ૧.૫ લાખ લિટર ક્ષમતાની ૧૨મી ઉંચી ટાંકી, ૨ લાખ લિટર ક્ષમતાનો ભૂગર્ભ સંપ, કનેકટીવટી, પાઇપ અને પમ્પીંગ મશીનરી, જોબ કનેકશન અને વીજળીકરણના કામ કરવામાં આવશે.
આ બેઠકમાં નિવાસી અઘિક કલેકટર રીતુ સિંગ સહિત સંબંઘિત સમિતિના સભ્યો ઉપસ્થિત રહ્યા હતા.